Дар асоси Қарори раиси шаҳри Душанбе дар бораи эълон гардидани соли 2024  “Соли маърифати экологӣ” дар шаҳри Душанбе, таҳти №114 аз 27 феврали соли 2024, бо мақсади корҳои созандагию бунёдкорӣ ва ободонӣ, 6-уми апрели соли 2024 дар Маркази таълимии Агентии амнияти химиявӣ, биологӣ, радиатсионӣ ва ядроии АМИТ шанбегӣ баргузор гардид.
 

Кормандони Агентии амнияти ХБРЯ- и АМИТ  бо як масъулияти баланди шаҳрвандӣ ва шаҳрнишинӣ саҳни ҳавлӣ, гирду атрофи биноҳои маъмурӣ ва ҷӯйборҳо Марказро аз ҳар гуна партовҳои ифлос тоза намуданд.

Ҳамзамон аз ҷониби кормандони Агентӣ дарахтони гирду атрофи Маркази номбурда нарм гардида ва дар роҳравҳои назди он дарахтони арча шинонида шуд.

Баргузории ҳашарҳои дастаҷаъмона ва шанбегиҳо идома ёфта, кормандони Агентии амнияти ХБРЯ-и АМИТ бо ин роҳ саҳми арзандаи хешро дар тозаву озода намудани муҳити табиат, ободӣ ва гулгун шукуфоии пойтахти азизамон шаҳри Душанбе саҳм мегузоранд.