Акс: шуъбаи муносибатҳои байналмилалӣ ва робита бо ҷомеаи Агентии амнияти ХБРЯ-и АМИТ
    

Ҳафтаи сипаришуда дар толори Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон бо иштироки роҳбарият ва ҳайати кормандони ин ниҳод маҷлиси  васеъ баргузор гардид.  Дар маҷлис таваҷҷӯҳи асоси ба масъалаи терроризму эктремизм, шомилшавии ҷавонон ба гуррӯҳҳои ифротгаро ва терористӣ, пайдоиши шахсони манфиатҷӯ, масхусан гурӯҳҳои ифротӣ дар шабакаи ҷаҳонии интернет ва дар маҷмуъ вазъи пурпечутоб ва геополитикии минтақа ва ҷаҳон зоҳир карда шуд.

Илҳом Мирсаидзода - директори Агентии амнияти ХБРЯ – и АМИТ зимни суханронии худ бо таваҷҷӯҳ ба ин масъала изҳор дошт, ки раванди тагйирёбии таҳавуллоти  ҷаҳонӣ ба таврест,  дигар на панҷ солаву даҳ солаҳо,  балки моҳҳо ва ҳатто рӯзҳо нақш мебозанд. Аз ин рӯ,  моро зарур аст, ки дар якҷоягӣ бо тамоми қишрҳои ҷомеа бахусус ҷавон робитаи зич дошта бошем, онҳоро ба донишомӯзӣ ва корҳои созандагиву бунёдкорӣ баҳри рушд ва пешрафти кишвари азизамон – Тоҷикистон  ҳидоят намоем. Бо дахли ин мавзӯъ, директори Агентии амнияти ХБРЯ – и АМИТ ба масъалаи фарҳанги истифодабарии интеренти мобилӣ афзуд, ки ҷавононро мебояд ба ҳар гуна саҳифаҳои иҷтимои дар интернет сар назананд ва бо  ашхоси ношинос, ки тавассути онҳо гурӯҳҳои ифротӣ ба мафкураи инсон таъсир расонда, баъдан ба тарафи худ ҷалб менамоянд,  ҷавонон бояд ҳамеша ҳушёр бошанд.

Акс: шуъбаи муносибатҳои байналмилалӣ ва робита бо ҷомеаи Агентии амнияти ХБРЯ-и АМИТ

Тавре Президенти Ҷумҳурии Тоҷикистон муҳтарам Эмомалӣ Раҳмон дар Паёми имсола ба Маҷлиси Олии ҷумҳурӣ, ки 28 – уми декабри соли 2023 ироа гардид, баён доштанд: “Вазъи мураккабу ташвишовари минтақа ва ҷаҳон, аз ҷумла торафт шиддат гирифтани раванди азнавтақсимкунии дунё, яроқнокшавии бошитоб, «ҷанги сард», таҳдиду хатарҳои муосир – терроризму экстремизм, қочоқи силоҳ, ҷиноятҳои киберӣ ва дигар ҷинояткориҳои муташаккили фаромиллӣ моро водор месозад, ки барои таъмин намудани амнияти мудофиавии кишварамон тадбирҳои иловагӣ андешем”.

Воқеан, ин гуфтаҳои Пешвои миллат, муҳтарам Эмомалӣ Раҳмон  бори дигар собит менамоянд, ки вазъи сиёсии  ҷаҳон пешгӯинашаванда буда, аз ҳар як фарди бо нангу номус зиракии сиёсиро беш аз пеш талаб менамояд. 

Акс: шуъбаи муносибатҳои байналмилалӣ ва робита бо ҷомеаи Агентии амнияти ХБРЯ-и АМИТ

Дар интиҳои маҷлис  ҳамзамон аз  ҷониби роҳбарият ба муттахассисон ва кормандони Агентии амнияти ХБРЯ – и АМИТ вобаста ба баланд бардоштани малакаи касбӣ, забономӯзӣ ва ҷалби онҳо ба илмҳои табиатшиносӣ, дақиқ ва риёзӣ супоришҳо дода шуд.